1.లగ్నాధిపతి తృతీయస్థానమునందు వున్నటువంటి జాతకులు గొప్పవి మరియు సాహసమైనటువంటి కార్యములలో ఫాల్గొంటారు. వీరు పలురకాలైన వ్యక్తులతో ఒకే పర్యాయము సమానంగా సంబంధ వ్యవహారములను నడిపెడి సమర్ధతలను కలిగి వుంటారు. అయితే అది సామాన్యమైన స్నేహములవరకు మాత్రమే పనికి వస్తుందిగాని , ప్రేమ సంబంధిత వ్యవహారములైనచో ప్రమాదకరములుగా పరిణమిస్తాయి. వీరి యొక్క కొన్ని ఆచరణా వ్యవహారాలు ఇతరులకు అసహజముగాను , శాస్త్ర విరుద్ధముగాను గోచరిస్తుంటాయి. ఇతరులు వీరి గురించి చర్చించుకునే ఆస్కారం వుంటుంది. అది వీరికి ఇష్టము లేనట్లయితే , తమ జీవన విధానములోని డాంబికతను తగ్గించుకోవాలి. వీరు సంగీతము లేదా గణిత శాస్త్రము నందు గుర్తింపును పొందే అవకాశము వుంటుంది. వీరి ఆరోగ్య పరిస్తితి అస్థిరంగా వుంటుంది.
2.ద్వితీయాధిపతి తృతీయ స్థానములో వున్న జాతకులు ధైర్యము , తెలివి తేటలు , నీతి మరియు లోభత్వములను కలిగిన వారై వుంటారు. వీరు ప్రేమను దాని యొక్క స్వభావసిద్ధమైన ఉనికితో సమానముగా చూస్తారు. ప్రేమయొక్క విలువను మరియు గొప్పదనమును ఎటువంటి అంచనా వేయకుండగనే వీరికి వీరే ఇచ్చిపుచ్చుకొను ధోరణిగా వ్యవహరింతురు. వీరు మత సంబంధమైన నమ్మకాలను వీడి , ప్రాపంచిక సుఖములకు అలవాటు పడవచ్చు. వీరు తమ సోదరి వలన సహాయములు పొందుతారు. సంగీతము మరియు లలితకళల యందు వీరికిగల ఆసక్తులు సరియైన సమయంలో వీరికి పేరు ప్రఖ్యాతలను తెస్తాయి. వీరు సహజంగానే ప్రేమ మరియు వ్యాపారములందు కూడా తోడుయొక్క అవసరములను గుర్తిస్తారు. వీరు మతసంబంధిత కార్యములందు అధిక శ్రద్దను కలిగి వుండకపోవచ్చు.
3.తృతీయాధిపతి తృతీయ స్థానములో వున్న జాతకులకు అన్నదమ్ములు లేదా అక్కచెల్లెళ్లతో గానీ లేదా వీరి తరువాత తరము వారితో గానీ కలిసి జీవించుట , చనువుగా మసలుట మరియు వారితో కలసి పనిచేయుట మొదలైనవి వేరికి సంతోషాన్ని కలిగిస్తుంటాయి. వీరు నిష్కపటులు మరియు న్యాయమైన వారు. వీరికి మోసం చేయుట తెలియదు. వీరు నిరంతర ఆశావహ దృక్పధమును కలిగినవారు. ప్రతి క్రొత్తరోజు కూడా వీరికి క్రొత్త జీవితమును ప్రారంభించుటకు బ్రహ్మాండమైన అవకాశములను బహూకరిస్తుంది. వీరు గతములోకి ఎప్పుడూ కూడా తిరిగి చూచుకోని బాధపడవలసిన అవసరము లేదు.వీరికి వీరికంటే చిన్నవారైన సోదరులవలన కొన్ని ఇబ్బందులు కలగవచ్చు.
4.చతుర్ధాధిపతి తృతీయ స్థానములో వున్న జాతకులు వీరిని వీరు వ్యక్తిగతముగా తీర్చుకుంటారు. తల్లిదండ్రులనుండి శీలమును , సాధు స్వభావమును అలవరచుకుంటారు. జబ్బులనుండి రక్షించుకొనుటకు తగిన చర్యలు వీరుగైకొనాలి . వీరికి దాయాదులు వున్న యొడల వారితో పరిష్కారములు జరుపునపుడు జాగ్రత్తగా వుండాలి.
5. పంచమాధిపతి తృతీయ స్థానములో వున్న జాతకులు మంచి సంభాషణా చాతుర్యాన్ని కలిగివుండి ఏ వార్త అయినా వీరికి చేరిన దానికన్నా త్వరగా , వీరు ఊహలను చేర్చిగానీ , లేదా వెంటనే బహిర్గతము చేస్తుంటారు. వీరు వీరిపనియందు ఆసక్తిని కలిగి వుండుటయేగాక వీరి తోటిపనివారితో , ఆకాచెల్లెళ్లతో , సోదరులతో , అందరితో కూడా న్యాయంగానే ప్రవర్తిస్తుంటారు. వీరికి వీరి కుటుంబముయొక్క ఆర్ధిక భద్రతయే ప్రధాన ధ్యేయము. పిల్లలు వీరి అభిప్రాయాల్ని అపార్ధము చేసికొనే ప్రమాదం వుంటుంది. అంతేగాక వీరిని అతి పిసినారిగా భావిస్తారు. ధనమునకు సంబంధించిన వివాదాలకు వ్యతిరేకంగా , వీరి పిల్లలు అతి త్వరగానే వీరి హృదయమంతా కూడా వారి ఆసక్తులే నిండి వున్నాయని కనుగొంటారు. వీరు పిల్లల భద్రత విషయంలో ఎటువంటి అవకాశానికి తావు ఇవ్వకుందురు.
6.షష్టమాధిపతి తృతీయ స్థానములో వున్న జాతకులు వీరు సరియైన సహకారములు లభించనిచో చీదరపడతారు. దీనివలన వీరికి కోపము , అస్థిరత్వము , లేదా అభద్రతా భావము కలుగుతుంది. కాబట్టి , వీరు అవసరమైనప్పుడు వీరి అభిప్రాయములను చెప్పుట లేదా వాటిని క్రియలో పెట్టుట చేయలేకపోవుదురు. వీరు ప్రేమించిన వారితో ఏదైనా తేల్చుకోనవలెనన్నచో , ఫలితం-పూర్తిగా యుద్ధమే. నిర్ణయము తీసికొనుటకు బలవంతము చేయుటయే వీరి స్నేహితులు , బంధువులు , తోటి వ్యాపారస్తులు మరియు ప్రేమికులు లేదా భాగస్వామిచేయు పెద్దతప్పు. వీరు వీరి స్వంత మార్గములో నడచి, కావలసినంత సమయమును తీసుకొని నిర్ణయములు చేసినంత వరకూ , వారి ప్రయత్నములేవీ ఫలించవు కానీ , వీరు వీరి సోదరులు , మేనమామలతో స్నేహపూర్వకముగా వుండటం వలన వీరికి లాభిస్తుందనే విషయాన్ని గుర్తించాలి . వీరికి వీరి సోదరునితో తీవ్ర విరోధము కలగవచ్చును.
7.సప్తమాధిపతి తృతీయ స్థానములో వున్న జాతకులు కళత్ర తృప్తి కొరకు వీరు ఏ పని అయిననూ చేస్తారు. ప్రియమైన భర్తగా అది వీరి కర్తవ్యమని తలుస్తారు. వీరు విశ్వాస పాత్రులైన భర్తగా వుండుటయే గాక ఆమె భావములను మనస్సులో ఎల్లప్పుడూ గౌరవిస్తారు. ఆమె వీరి జీవితంలో ప్రవేశించిన తరువాత వీరు అధికంగా అభివృద్ధి చెందుటవలన ఆమె యందు వీరు అధికమైన ప్రేమ , ఆరాధన కలిగి ఉంటారు. వీరు అలంకరణ యందు మంచి అభిరుచి కలవారు కనుక వీరి దుస్తులు , వీరి భార్య దుస్తులు ఎన్నిక చేయుటలో చాలా శ్రద్ధ తీసుకుంటారు. చట్టసంబంధమైన విషయాలలో చాలా మంది వీరి సలహాలకై ఎదురు చూస్తుంటారు. సాహిత్య రంగమున వీరికి చెప్పదగ్గ ఆసక్తి ఉండదు. చాలా సంబంధములు చూసిన తరువాత వీరు చివరకు మంచిపేరుగల కుటుంబము నుండి వచ్చిన అమ్మాయిని వివాహమాడుదురు. సమయం వచ్చినప్పుడు వీరు యుక్తిగా వీరి గమ్యమును సాధించెడి సామర్ధ్యమును కలిగిఉంటారు.
8.అష్టమాధిపతి తృతీయ స్థానములో వున్న జాతకులకు చెవికి సంబంధించిన సమస్యలు కలగవచ్చును. వినిపించుటయందు లోపము కనిపించినచో వెంటనే వైద్యము అవసరము. వీరు దగ్గరి బంధుత్వములను లేదా ప్రాణ స్నేహములను ఆనందించలేక లేదా ఆహ్వానించలేక పోవుదురు. వీరు ఇతరులతో సమానమైనవారిని ,నమ్మకముగా అనిపించినవారిని, గానీ , క్రొత్తవారితో కలియుటకు ఇష్టపడరు . వీరు భావములను , భయములను , మానసిక అశాంతిని ఎవ్వరితోనూ చర్చించరు. కావున నరముల బలహీనత ఏర్పడుటకు అవకాశము వుండును.
9.నవమాధిపతి తృతీయ స్థానములో వున్న జాతకులకు వ్రాయుట , మాట్లాడుట మరియు ప్రసంగము చేయు సామర్ధ్యముల ద్వారా ఆదాయము లేక లాభములు ఉండును. వీరి సోదరీ సోదరులు వీరికి ఆర్ధిక సహాయము చేస్తారు.
10.దశమాధిపతి తృతీయ స్థానములో వున్న జాతకులు వ్యాపారము నిమిత్తము ప్రయాణములు చేయవలసి యుండును. వీరు మంచి వక్తలుగా గానీ , రచయితలుగా గానీ అగుదురు. వీరు భవిష్యత్ నిర్మాణము నందు వీరి సోదరులు నామమాత్రపు సాధనములై వుండవచ్చును. ఏమైనను , కొంతమంది సోదరులతో శత్రుత్వమును , లేదా వీరి అదృష్టములోని తికమకలను వీరు తప్పించుకొనలేరు . వీరు నిజాయతీ పరులు గనుక సహోద్యోగులలో అధికా రపూర్వకముగా గౌరవమును పొందెదరు. అంతేగాక అవసరమైనప్పుడు తగినంత సహకారము , మంచితనము వీరికి లభించును.
11.ఏకాదశాధిపతి తృతీయ స్థానములో వున్న జాతకుల అభివృద్ధికి సోదరుల సహాయము లభించును. వీరికి అధిక సంఖ్యలో స్నేహితులు ఇరుగుపొరుగు వారు మరియు బంధువులు వుందురు. వీరి సాంఘిక నైపుణ్యతలు తప్పులేనివి. వీరు సోదరులయొక్క లేదా సోదరీల యొక్క అభిమానమును , ప్రేమను పొందుదురు.
12.ద్వాదశాధిపతి తృతీయ స్థానములో వున్న జాతకులు భయస్థులు మరియు నెమ్మదైనవారు. వీరి సోదరుడు వీరి నుండి నెమ్మదిగా పోవుదురు లేదా కుటుంబమును వదిలివేయుదురు. వీరు వస్త్ర ధారణ విషయంలో అంత శ్రధ్హ వహించక పోవుట వలన కొన్ని సమయములందు చాలా వికారముగా వుందురు. వీరు సమయమును , ధనమును , వీరి తమ్ముల గురించి వెచ్చించుదురు. రచనా వ్యాసంగమునందు గడిపిన సమయములో మంచి ఫలితమును పొందుదురు. వీరు స్నేహితులను లెక్కచేయక కుటుంబ సహచర్యముతో తృప్తి చెందుదురు.
