27 Nakshatras or Stars and 12 Rashis (Signs)

There are 27 Nakshatras or Stars and 12 Rashis (Signs) . Each Star (Nakshatra) is Divided into 4 padas or Quarters and Each Rasi is assigned to particular Nakshatra(s). Below Given Chart will be helpful  to find the Rashis of your Birth Star / Janma Nkashatra. 👇

భావాధిపతులు - ఫలితాలు 1 :

1. లగ్నాధిపతి ద్వితీయస్థానమునందున్న జాతకులు మిక్కిలి అద్భుతములైన లక్షణాల్ని కలిగి వుంటారు. వీరు మంచి భక్తి శ్రద్ధా విశ్వాసములు మరియు విద్యాసక్తులను కలిగి వున్నవారై వుంటారు. వీరికి వాక్చాతుర్యమనేది భగవంతుడు ప్రసాదించిన గొప్పవరము. భవిష్యత్తునందు ఏమి జరుగబోవునో తెలిసికొనగల లేదా ఊహ చేసికొనగల సామర్ధ్యమనేది వీరికి వుంటుంది. ప్రముఖంగా చెప్పాలంటే , వీరు అధిక సుఖసంతోషాలను కలిగిన వ్యక్తులై వుంటారు.

2. ద్వితీయాధిపతి ద్వితీయస్థానమునందున్న జాతకులకు ఆర్ధిక భద్రత వుంటుంది. ఏదేమైనప్పటికి , వీరి యొక్క గర్వము మరియు అహంకారములను ఇతరులు అపార్ధము చేసికొనవచ్చును. వీరు పొగడ్తలను ఇష్టపడతారు. వీరు అన్నీ తమకే తెలుసుననే స్వభావమును కలిగిన వారై వుంటారు. వీరి యొక్క ప్రేమ వ్యవహారములవలన వీరు తమయొక్క స్నేహితులు మరియు కుటుంబ సభ్యులచేత కూడా విమర్శింపబడుదురు. వీరు చాలా పరిమిత కుటుంబాన్ని కలిగి వుంటారు.

3.తృతీయాధిపతి ద్వితీయస్థానమునందున్న జాతకులు వారు చేసెడి పనియందు ఆసక్తిని చూపనందున , వారు సోమరితనము మరియు బద్దకము కల వారుగా కనిపిస్తూ వుంటారు. వీరు ఇరుగు పొరుగు వారితో తగువులాడేడి అవకాశాలు కూడా వున్నాయి. వీరు మాట్లాడునపుడు అజాగ్రత్త అధికప్రసంగం మరియు ప్రయోజకమైన లక్షణాలు గోచరిస్తాయి. వీరికి చిన్న సోదరుడు గానీ , సోదరి గానీ వుంటారు. లేదా చిన్న సోదరుని నుంచి ఎడబాటు వుండే అవకాశం వుంది.

4.చతుర్ధాధిపతి ద్వితీయస్థానమునందున్న జాతకులు చాలా ధైర్యమును కలిగిన వారు , అదృష్టవంతులు  మరియు సంతోషవంతులు. వీరికి తల్లివైపు నుండి ఆస్తి లభించవచ్చు. వీరికి వారియొక్క నోటి దురుసుతనము వల్ల శత్రువులు (మిత్రులకంటే) అధికముగా వుంటారు.

5. పంచమాధిపతి ద్వితీయస్థానమునందున్న జాతకులు రాష్ట్రము నందుగానీ , దేశము నందుగానీ లేదా అంతర్జాతీయ స్థాయిలో గానీ ఔన్నత్యాన్ని లేదా గొప్పతనాన్ని తప్పక పొందుతారు. అది కూడా వీరి వెనుకటి జీవితమును అవసరము లేదా అవకాశములపై ఆధారపడి వుంటుంది. ఏదో ఒకనాడు వీరు వార్తాపత్రికలలో ప్రముఖ వార్త అవుతారు. వీరి సంతానము యొక్క లేదా సోదరుల యొక్క గొప్పతనము వలన అతి నమ్మకము మరియు గర్వము పెరగవచ్చు. వీరు చాలా అధికారవాంఛగలవారు. అందుచే చిన్న స్నేహపూర్వక సలహాను కూడా వీరు ఇష్టపడరు. పిల్లల నుంచి , స్నేహితుల నుంచి , ఇరుగు పొరుగు వారి నుంచి లేదా ప్రేమికుల నుంచి బలవంతంగా స్వీకరించబడే అబ్యర్ధనలు వీరి కోపానికి గురికావచ్చు . వీరికి అందమైన జీవిత భాగస్వామి మరియు సత్ప్రవర్తన కలిగిన సంతానము వుంటారు.

6. షష్టాధిపతి ద్వితీయస్థానమునందున్న జాతకులు చాలా సాహస వంతులై వుంటారు మరియు జీవించడం ఎక్కడైతే కష్టముగా వుంటుందో ఆ ప్రదేశములకు మారుతుంటారు.వీరు చాలా కష్టపడి పని చేస్తారు. ఏ విషయాన్నైనా నాఫలమయ్యే విధంగా మరియు ఒప్పించే విధంగా చెప్పగల మార్గము వీరికి తెలుస్తుంది. వీరు ఆర్ధిక ఇబ్బందులకు మరియు నిధుల కొరతకు చాలా జంకుతారు. వీరి కుటుంబము యొక్క మరియు వీరి భవిష్యత్ యొక్క భద్రతను కాపాడాల్సిన అసాధ్యమైన అవసరాన్ని వీరి అంతరాత్మ ద్వారా పొందుతారు. ఆరోగ్యము గురించి బాధ పడాల్సిన అవసరము లేదు. వీరు ప్రేమించిన వారి నుంచి మరియు స్నేహితుల నుంచి లభించిన నిశ్శబ్దతిరస్కారము , శత్రువుల నుంచి తిన్నగా వచ్చిన ఎదుర్పాటు కన్నా వీరిని అధికంగా కలవరపరుస్తుంది. వీరు స్నేహితులతో మానసికముగా దగ్గరవుతారు. వీరు ప్రధమమునుంచే జాగ్రత్త వహించకున్నయొడల శత్రువులవలన ధన నష్టము కలుగవచ్చు. వీరికి మాట్లాడుటలో నత్తి దోషము వుండవచ్చు.

7.సప్తమాధిపతి ద్వితీయస్థానమునందున్న జాతకులకు వివాహానంతరము ధనము ప్రాప్తిస్తుంది. అందువలన వీరి భార్య అదృష్టవంతురాలిగా , సంపన్నురాలిగా గౌరవించబడును. అటుపైన వీరు జీవితములో  ముందుకు వెళ్ళే కొద్దీ ఆమె పొందిన ఆశీర్వాద బలము వల్ల , గ్రహ బలము వల్ల పురోభివృద్ధిని పొందవచ్చును. వీరికి నమ్మకమైన స్నేహితులు లేకపోవచ్చు. వీరు ప్రయాణాలలో సౌఖ్యములు అనుభవిస్తారు. కుటుంబమునకు చెడ్డపేరు వచ్చే కార్యక్రమాలలో ఫాల్గొనుటకు వీరు పురికొల్పబడతారు. వీరు పలు విధములైన మనుష్యులను ముందుగా తగినంతగా పరీక్షించి , శోధించకపోవుటవల్ల అనేకరకాలైన కష్టాలకు గురి అవుతారు. వదంతులను వీరు భరించవలసివుంటుంది.వీరు ఏ విధంగానూ బాధ్యత వహించని విషయాలకు శిక్షింపబడతారు.ఉన్నతాధికారుల అసంతృప్తివలన ఆగ్రహమునకు గురికాకుండా సంరంక్షించుకోవాలి. ఆత్మ విశ్వాసమే మనిషికి బలమని గుర్తించాలి.

8. అష్టమాధిపతి ద్వితీయస్థానమునందున్న జాతకులు శరీరకముగా చురుకుగా వుండకపోవచ్చు. నేత్రములు మరియు దంతములకు సంబంధించిన ఆరోగ్యసమస్యలు ఎదుర్కోవలసివచ్చును. వీరికి ఆహారములో చాలా రుచులు అవసరము. వీరికి లభించిన ఆహారము ఇష్టపడకపోవచ్చు. పోగొట్టుకున్నది లభించుట కష్టము కాబట్టి దానిని సంరంక్షించుకొనుటకు మరియు నిలబెట్టుకొనుటకు ప్రయతించవలెను. సాధారణముగా వీరిలాంటి మనస్తత్వము కల్గిన వ్యక్తి , జీవిత భాగస్వామి నుండి స్వచ్చమైన మరియు మిక్కుటమైన ప్రేమాభిమానాలు పొందుచున్నప్పుడు వేరే ఆలోచనలు రావు. వీరి స్నేహితులు మొండిగా ప్రవర్తించినపుడు వీరు చాలా శాంతముగా వుండుటకు శక్తినంతయు కూర్చుకొనవలసియుండును.

9.నవమాధిపతి ద్వితీయస్థానమునందున్న జాతకుని తండ్రి గారు ధనవంతులై , పలికుబడి కలిగిన వారై వుంటారు .

10.దశమాధిపతి  ద్వితీయస్థానమునందున్న జాతకులు వాస్తవానికి వృత్తి యందు వీరు చాలా గొప్పవారు. వీరు జీవితములో బాగా అభివృద్ధి చెందుతారు మరియు బాగా ధనమును సంపాదిస్తారు. ప్రారంభములో వీరి కులవృత్తి లోనేవుండి , దానినే అభివృద్ధి పరచు అవకాశాలు కలవు. దాని యందు వీరు రాణించనిచో కులవృత్తిని ఆనందముగా వదిలివేయుదురు. తల్లిదండ్రులనుండి ఆస్తి లభించును. పురాతన జ్యోతిశాస్త్ర పుస్తకముల ప్రకారము వీరి పేరు ప్రతిష్టలు నలుమూలలకు వ్యాపించును.

11.ఏకాదశాధిపతి ద్వితీయస్థానమునందున్న జాతకులు వీరు సోదరులతో గానీ లేదా సోదరీలతో గానీ సత్సంబంధములను కలిగియుండేదరు. స్నేహితులతో భాగస్వామ్యత్వము మరియు వ్యాపారము సాధారణముగా వీరికి మంచి లాభములను తెచ్చిపెట్టును. వీరికి దానగుణము కలదు. దానికితోడు మతాభిమానము కూడా వుండును.

12. ద్వాదశాధిపతి ద్వితీయస్థానమునందున్న జాతకులు అనాలోచితముగా ఆర్ధిక బాధలను ఆహ్వానించేదరు. వీరు అసహజమైన భోజనపు అలవాట్లను కలిగి యుండేదరు. వీరికి కంటిచూపు తక్కువగా వుండును. ఇంటియందు ప్రశాంతత లోపించును. చేతకాని పరిస్థితులు ఎదురైనప్పుడు వీరు యుక్తితో వ్యవహరించేదరు. మతములో ఆనందము లభించునని వీరు గ్రహించుదురు.

భావాధిపతులు - ఫలితాలు :

1. లగ్నాధిపతి లగ్నస్థానములో వున్నచో  అట్టి జాతకులు ధనమును సంపాదించుదురు. దాన్ని బహు చక్కగా జాగ్రత్తపరుచుచూ వుంటారు. ఈ జాతకులందలి స్వయం వ్యక్తిత్వము గుర్తించబడుతుంది. వీరు తమ యొక్క ఆదర్శ పూరితమైన జీవిత విధానమునకు వారే తృప్తి నొందుతూ వుంటారు. సహజంగా వీరు సాహసులైనప్పటికి  , కొన్ని పర్యాయములలో ఆలోచనా రహితులుగా వుంటారు. ఏదేమైనప్పటికి వీరిలో మార్పు కలిగే అవకాశం వుంటుంది. వీరు పలురకాలైన విషయశక్తులను కలిగి వుంటారు. ఇంకనూ , అనేక విషయములచేతను , పలురకాలైన వ్యక్తులచేతనూ వ్యామోహితులవుతారు. వీరు శారీరక మరియు మానసికములుగా కూడా బహు జాగరుకతతో తప్పక వుండి తీరవలేను. వీరు విదేశములలో నివాసముండుటగానీ లేదా విదేశ ప్రయాణము చేయుట గానీ సంభవించవచ్చును.

2. ద్వితీయాధిపతి లగ్నస్థానమునందున్న జాతకులు వారికి చిన్న సందేహము కల్గినప్పటికి, చివరకు ధనార్జన చేయుదురు.  వీరికి తమ తల్లిదండ్రులతో సంబంధబాంధవ్యాలనేవి సంతృప్తిని కలిగించేవిగా వుండవు. వీరు తమ యుక్త వయస్సునందు కూడ సుఖసౌఖ్యములకొరకు , భద్రతలకొరకు గృహమునందు వెదుకులాడ వలసివచ్చును. వీరు తమ తల్లిదండ్రులను ద్వేషించుటేగాక వారిని తమ వ్యక్తిగత ఆనందాభివృద్ధులకు అడ్డంకులని భావిస్తారు . వ్యాపార రీత్యా జరుగు మోసాలను అరికట్టేందుకుగాను వీరు మిక్కిలి జాగ్రత్తగా మసలుకోవలెను. వీర్కి ఆర్ధికపరమైనటువంటి అభివృద్ధి అధికమై మరల అర్ధరహితముగా క్రుంగిపోవుట మూలముగా కొంత మానసిక క్లేశములు గానీ , మనఃశ్శాంతిని కోల్పోవుట గానీ సంభవించును. కొన్ని పర్యాయములు వీరు పరులపట్ల కరుకుగా ప్రవర్తిస్తారు.

3.తృతీయాధిపతి లగ్నస్థానమునందున్న జాతకులు తమ యొక్క స్వయంకృషి వలన అభివృద్ధి చెందుటయే గాక , తమ యొక్క విద్యార్హతలు , తెలివితేటలు , విజ్ణానములవలన కొనియాడబడుతూ వుంటారు. వీరి యొక్క కోపము మరియు ఇతరులను ఎగతాళి చేసెడి స్వభావము వలన అందరూ వీరికి భయపడుతూ వుంటారు. వీరు బలహీనముగా , చిక్కినట్టుగా  కన్పించిననూఅవసరమైనప్పుడు వీరియొక్క యదార్ధశక్తిని మరియు జీవనోపయోగ్యత్వమును ప్రదర్శిస్తూ వుంటారు. వీరు సంఘజీవనమునకు , మరియు సంప్రదాయమునకు విలువనిస్తూ వుంటారు. వీరికి తగిన ప్రోత్సాహము లభించినచో సంగీతము , నాట్యము , నటనల యందు ఆసక్తి అధికమగుటయే గాక , సన్మార్గమున వీరు జీవనోపాధిని కూడా సంపాదించుకుందురు. వీరు చాలా ధైర్యము మరియు నిర్భయత్వములు కల్గినవారెగాక మంచి నటులు కూడ.

4. చతుర్ధాధిపతి లగ్నస్థానమునందున్న జాతకులు బాగా తెలిసిన యువతినే వివాహమాడే అవకాశం వుంటుంది. వీరు చదువుకున్న వారై వుంటారు . కానీ బహిరంగ సమావేశాలలో ఫాల్గొనటానికి సిగ్గుపడుతూ వుంటారు. వీరు తమ వారసత్వపు ఆస్తిని నిలుపుకోలేరు.

5.పంచమాధిపతి లగ్నస్థానమునందున్న జాతకులు వారు ఎంచుకున్న రంగమునందు పాండిత్యాన్ని చూపుతారు. శాస్త్ర పరిశోధనలు , ఇంద్రజాల ప్రదర్శనలు మరియు కష్టమైనవి లేదా పోటీ కలిగినవి ఏవైనా వీరిని ఆకర్షిస్తాయి. వీరు నిజంగా ఖర్చు చేయగలిగిన దాని కంటే ఎక్కువగా పిల్లల పట్ల ఖర్చు చేయుదురు. సంతానములో ఎవ్వరూ కూడ వారి నిర్ణయాలను వీరిపై బలవంతంగా రుద్దలేరు. వీరికి అధికారము చెలాయించగల శక్తి వుంటుంది. వీరు పోలీసు అధికారి గానీ , న్యాయాధిపతి గానీ అవుతారు. వీరు బుద్ధి లేదా అబుద్ధి పూర్వకముగానైనా సంతానమును పొందటానికి ఆలస్యము చేస్తారు.

6. షష్టమాధిపతి లగ్నస్థానమునందున్న జాతకులు సహజముగా ధైర్యవంతులై వుంటారు. కానీ వీరు స్వంత కుటుంబమును ఎదిరించేవారుగా మారే అవకాశం వుంటుంది. వీరు సైనిక దళములో చేరటం గానీ , లేదా జైలుకు సంబంధించిన పనిని ఏదైనా చేసే అవకాశం వుంటుంది.వీరు బహుశా మేనమామతో కలిసి జీవించటం గానీ లేదా ఆయనకు దగ్గరవటం గానీ జరుగుతుంది. అనారోగ్యము వీరిని సతతమూ బాధిస్తుంది. దానిలో కొంత భాగము ఊహించుకొన్నవే అవుతాయి. వీరు మంచి పుత్రవాత్సల్యమును కల్గినవారై , మరియు సంతానమునకు మంచి సలహాలను , మంచి శిక్షణను అందించగలరు. వీరి జీవిత భాగస్వామి వీరి ధైర్యమునకు మరియు భద్రతకు అనుకూలంగా సహాయపడుతారు. ఇది వీరిద్దరికీ సంబంధించిన అన్నీ విషయములందు ఆర్ధిక , శారీరక మరియు ఇతరములైన అన్నీ పరిస్థితులనూ అనుసరింతురు. చిన్నతనమందు వీరికి సరియైన శిక్షణ లభించని యొడల నేరస్తులుగా మరే అవకాశాలు ఉత్పన్నమవుతాయి.

7. సప్తమాదిపతి లగ్నస్థానమునందున్న జాతకులు మొదటనుండి తెలిసిన అమ్మాయిని వివాహమాడు సూచనలున్నవి. వీరికి స్కూల్ లోనూ లేదా కాలేజీ లోనూ తెలిసిన అమ్మాయి భార్య కావొచ్చు. ఏమైననూ వీరి భార్య తెలివైనది , సున్నితమైనది మరియు గృహ నిర్వహణలో నైపుణ్యము కలదిగా వుండును. యువకులుగా మొదటనుండీ అందమైన ఉత్సాహపరులైన అమ్మాయిలను ఆకర్షించుదురు. వీరు జీవిత భాగస్వామిని ఎన్నుకొనుటలో సౌందర్యమునకు ఆదిక ప్రాధాన్యతను ఇచ్చేదరు. భర్తగా వీరు ఇతరులు ఊహించినంత విశాల హృదయులు కాకపోవచ్చు. వీరి భార్య వారి శక్తిని , మానసిక ఆనందమును పరిరక్షించుటలో తగినంత కృషి చేయును. వీరి విజయమునకు ఇది ముఖ్యమైనది. వీరు మంచి కీర్తి గల కుటుంబములో జన్మించుటవల్ల ఔన్నత్యము , ఠీవి నడవడిలో ప్రతిబింబిస్తుంది. దంపతులుగా వీరిద్దరు సంపాదనమును వ్యర్ధమొనరించుకోకుండా తగు జాగ్రత్త వహించాలి .

8.అష్టమాధిపతి లగ్నస్థానమునందున్న జాతకులు వీరికి బహుశా ఆచారకాండలు మరియు సంప్రదాయాలు చికాకు కల్గించవచ్చు. వీరిని వీరు ఒక నాస్తికునిగా పిలుచుకోవచ్చు. వీరు చిన్నతనమునుంచీ అన్నిటినీ తెలుసుకొనవలేనన్న జిజ్ణాసకలవారు. బహుశా వీరు పూర్తిగా స్థిరపడకముందే అనేక సంబంధములందు చిక్కుకొని హృదయ వేదనను అనుభవింతురు. వీరు అనుకున్న గమ్యమును చేరే వరకు మరలా మరలా ప్రయత్నిస్తూనే వుండాలి. వీరు కురూపితనము మరియు రుగ్మతల కారణముగా శరీరకముగా బాధపడవచ్చు . వీరు శారీరకముగా కొంచెము నీరసముగా కనిపించవచ్చు. ప్రభుత్వ సంస్థలతో వ్యవహారము చేయునపుడు జాగ్రత్తగా వుండవలెను. వీరి పన్నుల లెక్కలను అకారణముగా తనిఖీ చేయవచ్చు. వీరు వృద్ధాప్యదశ లోనికి చేరుకున్న కొలదీ ఆధ్యాత్మిక చింతన పెరుగును.

9.నవమాధిపతి లగ్నస్థానమునందున్న జాతకులు దూరప్రాంతాలలో పని చేయవచ్చును. లేదా తరచూ వృత్తి రీత్యా ప్రయాణాలు చేయవలసిరావచ్చును. వీరి ప్రయాణాలు వీరి జీవిత భాగస్వామికి మానసిక వేదనను కలిగించవచ్చు. వీరి అత్తమామలతో వున్న సత్సంబంధాలను చెడగొట్టుకొనరాదు. వీరు అనుసరించు విధములో అత్తమామలకు దగ్గరగా చేరినచో వారి నుంచి నిదానముగా లాభము పొందేదరు.

10.దశమాధిపతి లగ్నస్థానమునందున్న జాతకులు స్వశక్తితో పైకివస్తారు. వీరు ఎవరికిందా పనిచెయ్యక స్వతంత్ర ప్రతిపత్తిగల వృత్తిని ఎన్నుకుంటారు. వీరు జ్ణానసంపత్తిని అభివృద్ధి పరచుకొన్నచో వీరు ఎంచుకున్న వృత్తి యందు పేరు ప్రతిష్టలను  , గుర్తింపును పొందేదరు. వేరు ప్రజాసేవకు అంకితమైన కొన్ని సంస్థల స్థాపన , మరియు వాటిని నడుపుట యందు ఫాల్గొనవచ్చును. వీరు చేయు పనులన్నిటియందు కవిత్వ ధోరణి కంపించవచ్చు. ఆరోగ్య సమస్యలేవైనా వున్నచో అవి చిన్నతనము వరకే పరిమితం. వీరి భవిష్యత్ నందలి పెరుగుదల నెమ్మదిగా , తిన్నగా వుండును.

11.ఏకాదశాధిపతి లగ్నస్థానమునందున్న జాతకులు వీరు ధనిక కుటుంబము నందు జన్మించుదురు. మరియు ఆస్తిని సంపాదించుదురు. వీరి అన్నగారిని ఒకరిని నష్ట పోవుదురు. వీరికి మంచిని ఎన్నుకోగల మరియు చెడును తిరస్కరించగల సామర్ధ్యము కలదు. వీరి యొక్క ప్రతిభను , విజ్ణానమును పూర్తిగా వినియోగించుటకు అవకాశమున్న వృత్తిలో వీరు బాగా రాణించుదురు.

12.ద్వాదశాధిపతి లగ్నస్థానమునందున్న జాతకులు మంచి అందమైన వారు మరియు సరస సంభాషణా చతురులు . వీరు అర్భక శరీరము మరియు కలత చెందే మనస్సు కలిగి యుందురు. వీరికి ప్రయాణములు అనివార్యము. అప్పుడప్పుడు శ్వాసకోశ సమస్యలు కలగవచ్చును. అవి వీరిని భాదించేవని ఋజువగును. కారణములు లేకుండగానేవీరి భవిష్యత్ గురించి అనుమానములు తలయెత్తును.

VEDIC EVENTS FOR THE MONTH OF MAY 2020.

01 MAY – MAY DAY

03 MAY – EKADASI

04 MAY – MARS ENTERS AQUARIUS

05 MAY – PRADOSHAM

06 MAY – NARASIMHA JAYANTHI

07 MAY – FULL MOON

07 MAY – CHITRA PURNIMA

09 MAY – MERCURY ENTERS TAURUS

10 MAY – MOTHERS DAY

14 MAY – 8^TH WANING MOON

14 MAY – SUN ENTERS TAURUS

18 MAY – EKADASI

20 MAY – PRADOSHAM

20 MAY – MINI SHIVARATRI

22 MAY – NEW MOON

24 MAY – MERCURY ENTERS GEMINI

29 MAY – 8^TH WAXING MOON.